وصفات طبيعيه بالاعشاب لتنظيف وتعطير البيت

وصفات طبيعيه بالاعشاب لتنظيف وتعطير البيت

- لعمل منظف الاعشاب المعطر للمصارف او البالوعه لقاعدة التواليت (هاربيك المنزلى )

فى الخلاط حطى ربع كوبايه اوراق نعناع مع كوباية بيكنج صودا (صودا الخبيز)ومعلقة ملح واضربيهم كويس ورشيهم فى المصرف بتاع التواليت مع شوية ميه وافركى بالفرشاه كويس

2- لازالة الروائح الكريهه من الغرفه,للتخلص من الرائحه الكريهه للاوض,معطر التوابل للمنزل
فى اناء على النار حطى فيه اعواد قرفه مع قشر البرتقال وميه هيخلى ريحة البيت كله منعشه

3- اوراق تجفيف لتعطير الملابس
لتعطير ريحة الملابس او الهدوم فى المنشفه او المجفف,وصفه طبيعيه وسهله لتعطير الهدوم بديله عن اوراق التجفيف
ضيفى قطره او قطرتين من اى زيت عطرى مفضل ليكى على قطعه من القماش وحطيها مع الملابس اللى فى النشافه

4- وصفة منظف للبيت متعدد الاغراض والاستعمالات وغير سام

قشور حمضيات(برتقال او ليمون )
خل
ميه

املى من ربع لنص زجاجة بقشور الحمضيات وبعدين حطى عليه خل لحد ما يغطى القشر كله
وسيبى المزيج ده منقوع لمدة اسبوعين ونص على الاقل هتلاقى ان الخل بقى لونه برتقالى او ذهبى والريحه جامده وقويه للحمضيات
املى نص ازازه اسبراى بمزيج خل الحمضيات وحطى باقى الازازه ميه
واستعمليه لتنظيف المصارف والبالوعات او تلميع المرايات وزجاج الشبابيك والارضيات والكراسى الخشب ولوح التقطيع او الكاونتر بتاع المطبخ

ها هتفكرى بعد كده ترمى قشر الليمون او البرتقال او اليوسفى !